**कोम्बिंग ऑपरेशन व विशेष मोहिम – वाशी पोलीस ठाणे हद्दीत कारवाई**
वाशी –:
वाशी, ४ मे २०२५ – मा. पोलीस उप-आयुक्त परिमंडळ १, श्री. पंकज डहाणे यांच्या आदेशानुसार व पोलीस उप-अधीक्षक आदिनाथ बुधवंत यांच्या मार्गदर्शनाखाली वाशी पोलीस ठाणे अंतर्गत ४ मे रोजी सायंकाळी ७ ते रात्री ११ या वेळेत कोम्बिंग ऑपरेशन व विशेष मोहिम राबविण्यात आली. वरिष्ठ पोलीस निरीक्षक श्री. संजय धुमाळ यांच्या नेतृत्वाखालील पथकाने ही मोहिम यशस्वीरित्या पार पाडली.
या मोहिमेत विविध कायद्यांतर्गत खालीलप्रमाणे कारवाई करण्यात आली:
* अवैध टपरी व ज्वालाग्रही पदार्थ प्रकरणी २ इसमांवर कारवाई
* बेकायदेशीर शस्त्र बाळगणाऱ्या इसमावर हत्यार कायद्यानुसार कारवाई
* अंमली पदार्थ सेवन प्रकरणी एकावर कारवाई
* मद्यप्राशनप्रकरणी ३ इसमांवर कारवाई
* विमल गुटखा जप्त – १,९८० रु. किंमतीचा माल जप्त
* कोटपा कायद्यानुसार १९ जणांवर कारवाई
* १ अजामीनपात्र वॉरंट, २ जामीनपात्र वॉरंट व ९ समन्स बजावले
* ३ हिस्ट्रीशीटर मिळून आले, १ तडीपार व ५ पाहिजे आरोपी मिळाले नाहीत
* २ नाकाबंदी ठिकाणी २०९ वाहनांची तपासणी, ७१ वाहनांवर कारवाई
* ११ हॉटेल, लॉज, बारची तपासणी – काहीही आक्षेपार्ह आढळले नाही
* विविध परिसरांत पायी गस्त व २२ संशयितांची चौकशी – परकीय नागरिक आढळले नाहीत
या मोहिमेत एकूण १०८ पोलीस अधिकारी व कर्मचारी सहभागी झाले होते.
अशीच मोहीम पुढेही नियमितपणे राबविण्यात येणार असल्याची माहिती वाशी पोलीस ठाण्याच्या वतीने देण्यात आली आहे.
*संजय धुमाळ*
*वरिष्ठ पोलीस निरीक्षक*
*वाशी पोलीस ठाणे**
