Jantecha Savdhan Maharashtra

RNI-MAHMAR/2020/79438

ब्रेकिंग न्यूज
देशब्रेकिंग न्यूजमहाराष्ट्रशहर

वनमंत्री गणेश नाईक यांच्या वाढदिवसानिमित्त ११व्या दिवशी विविध सेवाभावी उपक्रमांचे आयोजन

वनमंत्री गणेश नाईक यांच्या वाढदिवसानिमित्त ११व्या दिवशी विविध सेवाभावी उपक्रमांचे आयोजन

नवी मुंबई (दि.२५ सप्टेंबर) – लोकनेते, वनमंत्री ना.  गणेशजी नाईक यांच्या वाढदिवसानिमित्त माजी विरोधी पक्षनेते दशरथ भगत यांच्या संकल्पनेतून आणि युवा नेते निशांत भगत यांच्या संयोजनाखाली राबविण्यात येणाऱ्या सेवाभावी १०० उपक्रमांच्या पंधरवड्यातर्गत आज ११व्या दिवशी नवी मुंबईत ठिकठिकाणी लोकोपयोगी उपक्रम पार पडले.

वाशीगाव येथे सकाळी आयोजित कार्यक्रमास नवी मुंबई महापालिकेचे माजी महापौर सुधाकर सोनावणे आणि माजी विरोधी पक्षनेते दशरथ भगत उपस्थित होते. या वेळी महिला सक्षमीकरणा अंतर्गत विभागातील विधवा व विधुर महिलांचा सन्मान करण्यात आला. तसेच, “आपले घर – आपले राशन” या योजनेविषयी शिधावाटप विभागाच्या अधिकाऱ्यांनी माहिती दिली, तर टपाल खात्यातील विविध बचत योजनांबाबत मार्गदर्शन शिबीर घेण्यात आले.

कार्यक्रमादरम्यान माजी महापौर सुधाकर सोनावणे यांच्या हस्ते सहजीवनाची अमृतवर्षे पूर्ण केलेल्या जेष्ठ दांम्पत्यांचा सत्कार करण्यात आला. सोनावणे यांनी या अभिनव उपक्रमाचे कौतुक करत, “आपले आशीर्वाद लोकनेते गणेश नाईक यांच्या पाठीशी सदैव राहोत” असे नम्र आवाहन केले.

युवानेते निशांत भगत व समाजसेवक संदीप भगत यांच्या पुढाकाराने प्रभात ट्रस्टचे डॉ. प्रशांत थोरात यांच्या सहकार्याने नेत्र चिकित्सा शिबीर, तर डॉ. मिलिंद जोशी यांच्या सहकार्याने ब्लड प्रेशर व शुगर तपासणी शिबीर सकाळी १० ते सायं. ४ वाजेपर्यंत घेण्यात आले. याचा लाभ मोठ्या संख्येने नागरिकांनी घेतला.

तसेच, वाशी रेल्वे स्टेशन येथे स्टेशन प्रबंधक, वाशी रेल्वे पोलीस ठाण्याचे वरिष्ठ निरीक्षक, तिकीट तपासणी कर्मचारी, बुकिंग ऑफिसमधील महिला कर्मचारी आणि स्वच्छताकर्मी यांचा सत्कार करून त्यांच्या कार्याचा गौरव करण्यात आला.

 या विविध उपक्रमांमुळे लोकनेते गणेश नाईक यांच्या सामाजिक कार्याचा संदेश अधिक बळकट झाला असून नागरिकांमध्ये समाधान व उत्साहाचे वातावरण दिसून आले.

Related posts

केंद्र सरकारने वृत्तपत्र खरेदी करणाऱ्यांना उत्पन्न करात वार्षिक पाच हजार रुपये सूट द्यावी

म रा मराठी पत्रकार संघ नविमुंबई अध्यक्ष दशरथ चव्हाण यांचा वाढदिवस मोठ्या उत्साहात साजरा

jantechasavdhanmaharashtra

तर महाराष्ट्रातील निवडणुका बॅलेट पेपरवर होणार; निवडणूक आयोगाच्या अधिकाऱ्यांची माहिती*

jantechasavdhanmaharashtra

Leave a Comment