Jantecha Savdhan Maharashtra

RNI-MAHMAR/2020/79438

ब्रेकिंग न्यूज
देशब्रेकिंग न्यूजमहाराष्ट्र

रबाळे पोलीस ठाण्याची मोठी कामगिरी – चैन स्नॅचिंगचे दोन गुन्हे उघड; २.४० लाख किमतीचे सोन्याचे दागिने हस्तगत

 

रबाळे पोलीस ठाण्याची मोठी कामगिरी – चैन स्नॅचिंगचे दोन गुन्हे उघड; २.४० लाख किमतीचे सोन्याचे दागिने हस्तगत

नवी मुंबई (रबाळे) – रबाळे पोलीस ठाणे हद्दीत घडलेल्या चैन स्नॅचिंगच्या दोन गुन्ह्यांचा पर्दाफाश करून पोलिसांनी एकूण २.४० लाख रुपये किमतीचे सोन्याचे दागिने हस्तगत केले आहेत. या प्रकरणात एक संशयिताला अटक करण्यात आली असून, त्याच्याकडून मुद्देमाल जप्त करण्यात आला आहे.

📌 घटना तपशील
११ ऑगस्ट २०२५ रोजी पहाटे २.१० वाजता सेक्टर-९, घरोदा घनसोली येथील खाडी ब्रिजवर फिर्यादी सौ. श्यामलता रामकृष्ण सिंग (वय ३८ वर्षे, रा. रबाळे) पायी जात असताना आरोपीने त्यांच्या गळ्यातील अंदाजे ७० हजार रुपये किमतीची सोन्याची चैन खेचून पळ काढला. या घटनेवरून रबाळे पोलीस ठाण्यात गु.रजि. क्र. ६०४/२५, कलम ३०९(४) भादंवी अंतर्गत गुन्हा दाखल करण्यात आला.

📌 तपास आणि अटक
गुन्हा घडल्यानंतर तात्काळ गुन्हे प्रकटीकरण पथक घटनास्थळी रवाना झाले. सीसीटीव्ही फुटेज तसेच गुप्त माहितीच्या आधारे आरोपीचा कोपरखैरणे परिसरात शोध घेऊन रोहित शिवाजी गायकवाड (वय २४ वर्षे, रा. कोपरखैरणे, नवी मुंबई, मूळ रा. बीड) यास शिताफीने अटक करण्यात आली.

चौकशीदरम्यान आरोपीने या गुन्ह्याची कबुली दिली असून, तपासात तो दहा महिन्यांपूर्वी (ऑक्टोबर २०२४) रबाळे पोलीस ठाण्यात दाखल गु.रजि.क्र. ५५०/२४ मधील चैन स्नॅचिंगच्या गुन्ह्यात सामील असल्याचे उघड झाले. आरोपीकडून दोन्ही गुन्ह्यांतील मुद्देमाल जप्त करण्यात आला आहे.

📌 हस्तगत मालमत्ता
१) ७०,००० रुपये किमतीची ८ ग्रॅम वजनाची सोन्याची चैन
२) १,७०,००० रुपये किमतीचे १८ ग्रॅम वजनाचे सोन्याचे मिनी मंगळसूत्र
➡ एकूण: २,४०,००० रुपये किमतीचे दागिने

वरिष्ठ पोलीस निरीक्षक बाळकृष्ण सावंत यांच्या मार्गदर्शनाखाली पुढील

📌 तपास पथक

  • सपोनि अविनाश पाळदे (तपास अधिकारी)
  • पो.हवा. प्रसाद वायंगणकर
  • पो.ना. विजय करंकाळ, प्रल्हाद जाधव
  • पो.शि. राहुल साळुंके, राजेश तडवी, भोपी, अभिजित राळे

ही कारवाई वरिष्ठ पोलीस निरीक्षक बाळकृष्ण सावंत यांच्या मार्गदर्शनाखाली करण्यात आली.

 

Related posts

*शाळेतील स्लॅब कोसळल्याची धक्कादायक घटना – निकृष्ट कामाचा पर्दाफाश, जबाबदारांवर कारवाईची मागणी*

प्र.संघटक संजय भोकरे यांचा वाढदिवस म रा पत्रकार संघ नवी मुंबई च्या वतीने सामाजिक बंधीलकीतून साजरा

माथाडी नेते स्व.अण्णासाहेब पाटील यांचा जीवनप्रवासावर चित्रपट

jantechasavdhanmaharashtra

Leave a Comment