*रबाळे पोलीस ठाणे हद्दीत नाकाबंदी व कोंबिंग ऑपरेशन*
ऐरोली (प्रतिनिधी)
पोलीस उपायुक्त पंकज डहाणे यांच्या आदेशानुसार रबाळे पोलीस ठाण्याच्या हद्दीत व्यापक नाकाबंदी व कोंबिंग ऑपरेशन राबवण्यात येत आहे. या विशेष मोहिमेंतर्गत गुन्हेगारी नियंत्रण, अवैध धंद्यांवर कारवाई व नागरिकांच्या सुरक्षिततेसाठी व्यापक तपासणी सुरू आहे.
घनसोली येथील टेम्पटेशन हॉटेल चौक, ऐरोली चेक पोस्ट या ठिकाणी नाकाबंदी करण्यात आली आहे. हद्दीतील लॉजेस व हॉटेल्सचीही कसून तपासणी सुरू असून, ऐरोली नोसील नाका, घनसोली, तळवली, रबाळे व हळदी परिसरात अवैध धंद्यांवर कारवाई सुरू आहे.
दारू दुकान व बिअर शॉप समोर उघडपणे दारू पिणाऱ्या व्यक्तींवर कठोर कारवाई करण्यात येत आहे. तसेच प्रलंबित गुन्ह्यांतील आरोपींचा शोध घेणे, गुन्हेगार व हिस्ट्रीशीटर यांची तपासणी या मोहिमेचा भाग आहे.
या मोहिमेत परिमंडल एक अंतर्गत प्रत्येक पोलीस ठाण्याचे एक अधिकारी आणि १० अंमलदार सहभागी असून, पोलीस उपायुक्त (परिमंडल एक) यांनी आवश्यक मनुष्यबळ उपलब्ध करून दिले आहे. परिमंडल एकचे स्ट्रायकिंग फोर्स तसेच एसीपी वाशी यांचाही या मोहिमेत सक्रिय सहभाग आहे.
या संपूर्ण ऑपरेशनवर एसीपी आदिनाथ बुधवंत हे मार्गदर्शन करत आहेत. या कारवाईत एकूण २ पोलीस निरीक्षक, १७ अधिकारी आणि ७५ अंमलदार सहभागी झाले आहेत.
**- बाळकृष्ण सावंत,
वरिष्ठ पोलीस निरीक्षक, रबाळे पोलीस ठाणे*
