ऑनलाईन साईटच्या माध्यमातून वेश्याव्यवसाय करणारे तीन आरोपी पश्चिम बंगाल येथून अटकेत
नवी मुंबई, दि. २५ जुलै २०२५ :
नवी मुंबई पोलीस आयुक्तालयाच्या गुन्हे शाखेतील अनैतिक मानवी वाहतूक प्रतिबंधक कक्षाने ऑनलाईन साईटच्या माध्यमातून वेश्याव्यवसाय चालवणाऱ्या प्रकरणी तीन फरार असलेल्या आरोपींना पश्चिम बंगाल, मालदा येथून अटक केली आहे.
ही कारवाई मा. श्री. मिलिंद भारंबे, पोलीस आयुक्त, नवी मुंबई; मा. श्री. संजय येनपुरे, पोलीस सहआयुक्त; मा. श्री. दीपक साकोरे, अपर पोलीस आयुक्त (गुन्हे) आणि मा. श्री. अमित काळे, पोलीस उप आयुक्त (गुन्हे) यांच्या आदेशानुसार व मार्गदर्शनाखाली करण्यात आली.
दिनांक ८ जुलै २०२५ रोजी रात्री ११:०० वाजता अनैतिक मानवी वाहतूक प्रतिबंधक कक्षाने बनावट ग्राहकाच्या माध्यमातून दिलेल्या सांकेतिक इशाऱ्यावरून तुर्भे येथील हॉटेल गोल्डन ओक, प्लॉट नं. डीसी-०१, पावलो पबच्या बाजूला छापा टाकून पाच पीडित महिलांची सुटका केली होती. यावेळी तीन आरोपी –
१) राजेशकुमार मुन्ना यादव (ऑनलाईन साईटचा चालक),
२) दिनेश शिवचरण डांगी (दलाल),
३) मुकेश कुमार आकलु राय (रिक्षाचालक)
यांना अटक करण्यात आली होती.
सदर गुन्ह्यात तीन आरोपी शंभू मुनीलाल उपाध्याय, बॉबी उर्फ मकवुल बिलाल अन्सारी आणि शिरू हे फरार होते. त्यांच्या विरोधात तुर्भे पोलीस ठाण्यात गु.र.क्र. ४७९/२०२५, भादंवि कलम १४३(३), ३(७) सह अनैतिक व्यापार प्रतिबंधक कायदा १९७६ चे कलम ३, ४, ७ नुसार गुन्हा नोंदविण्यात आला होता.
गोपनीय माहिती आणि तांत्रिक तपासाद्वारे सदर आरोपी हे पश्चिम बंगाल येथील मालदा शहरात असल्याचे निष्पन्न झाले. त्या अनुषंगाने दिनांक २२ जुलै २०२५ रोजी पोलीस पथक मालदा, पश्चिम बंगाल येथे रवाना करण्यात आले. त्या पथकाने दिनांक २४ जुलै २०२५ रोजी तीनही फरार आरोपींना अटक करून तुर्भे पोलीस ठाण्यात हजर केले.
अटक करण्यात आलेल्या आरोपींची नावे पुढीलप्रमाणे:
१) शंभू मुनीलाल उपाध्याय, वय ३२ वर्ष, रा. ओम साई अपार्टमेंट, बेलापूर, नवी मुंबई.
२) मकवुल बिलाल अन्सारी उर्फ बॉबी, वय ४३ वर्ष, रा. कोपरखैरणे, नवी मुंबई.
३) धिरेंद्र तिलकचंद आर्य, वय २६ वर्ष, रा. बेलापूर, नवी मुंबई.
दिनांक २४ जुलै २०२५ रोजी तिघांना अटक करून त्यांना न्यायालयात हजर केले असता, मा. न्यायालयाने त्यांना दिनांक २८ जुलै २०२५ पर्यंत पोलीस कोठडीत ठेवण्याचे आदेश दिले आहेत.
ही कारवाई सहाय्यक पोलीस आयुक्त धर्मपाल बनसोडे (AHTU, गुन्हे शाखा) यांच्या मार्गदर्शनाखाली वपोनिरी. पृथ्वीराज घोरपडे, सपोनि योगेश देशमुख, पौहवा १३२ मांडोळे, पोशि/३२३९ पारासुर यांच्यासह गुन्हे शाखेच्या पथकाने केली आहे. सदर प्रकरणाचा तपास तुर्भे पोलीस ठाणे करीत आहे.
