ऐरोली येथे महिलेशी छेडछाड करणारा विकृत आरोपी रबाळे पोलिसांच्या अटक जाळ्यात; वरिष्ठ पोलीस निरीक्षक बाळकृष्ण सावंत यांच्या मार्गदर्शनाखाली कारवाई
नवी मुंबई (ऐरोली) – पहाटे कामावर जाणाऱ्या एका महिलेशी छेडछाड करणाऱ्या विकृत इसमाला रबाळे पोलीस ठाण्याच्या पथकाने शिताफीने अटक करून गजाआड केले आहे. या कारवाईत वरिष्ठ पोलीस निरीक्षक बाळकृष्ण सावंत यांच्या मार्गदर्शनाखालील गुन्हे प्रकटीकरण पथकाने अत्यंत काटेकोर तपास करून आरोपीला पकडण्यात यश मिळवले.
📌 घटना तपशील
७ ऑगस्ट २०२५ रोजी सकाळी ६.०० वाजता गांधी गार्डनजवळ, सेक्टर-३ ऐरोली येथे फिर्यादी महिला कामावर जात असताना एका अनोळखी इसमाने पाठमागून येत तिच्या खांद्यावर हात टाकून छेडछाड केली तसेच अश्लील हावभाव करून तिच्या मनास लज्जा उत्पन्न होईल असे वर्तन केले. या प्रकरणी फिर्यादीने तक्रार दिल्यानंतर रबाळे पोलीस ठाण्यात गु.रजि.क्र. ५९५/२५ भादंवी कलम ७४, ७८, ७९ (भादंवी ३५४, ३५४(ड), ५०९) अंतर्गत गुन्हा दाखल करण्यात आला.
📌 तपास प्रक्रिया
सदर गुन्हा हा महिलांच्या सुरक्षेशी संबंधित असल्याने वरिष्ठ पोलीस निरीक्षक बाळकृष्ण सावंत, पोलीस निरीक्षक (प्रशासन) श्री. बनसोडे व पोलीस निरीक्षक (गुन्हे) श्री. सचिन गवळी यांच्या मार्गदर्शनाखाली तपास सुरु करण्यात आला. आरोपीने गुन्हा करताना डोक्याला रुमाल व तोंडाला मास्क घातल्याने त्याची ओळख पटवणे कठीण होते.
तथापि, गुन्हे प्रकटीकरण अधिकारी सपोनि दिपक खरात व पथकाने घटनास्थळ व परिसरातील ४० ते ५० सीसीटीव्ही फुटेजचे बारकाईने परीक्षण केले. तांत्रिक तपास, गुप्त चौकशी व सततच्या प्रयत्नांमुळे संशयिताची ओळख पटवून त्याला साठेनगर, दीघा, नवी मुंबई येथून अटक करण्यात आली.
📌 अटक आरोपी
- नाव: अरविंद हुक्का भोजिया
- वय: ३९ वर्षे
- रा.: साठेनगर, दीघा, नवी मुंबई
📌 तपास पथक
- सहा. पोलीस निरीक्षक दिपक खरात
- पो.हवा. दर्शन कटके
- पो.हवा. सोनवणे
- पो.ना. गणेश वीर
- पो.ना. धनाजी भांगरे
- पो.शि. यादवराव घुले
- पो.शि. मनोज देडे
रबाळे पोलीस ठाण्याचे वरिष्ठ पोलीस निरीक्षक बाळकृष्ण सावंत यांच्या दक्ष व काटेकोर मार्गदर्शनाखाली या प्रकरणाचा तपास यशस्वीपणे पूर्ण करून आरोपीला अटक करण्यात आली. या कारवाईमुळे नागरिकांमध्ये पोलिसांबद्दल विश्वास व सुरक्षिततेची भावना अधिक दृढ झाली आहे.
