Jantecha Savdhan Maharashtra

RNI-MAHMAR/2020/79438

ब्रेकिंग न्यूज
देशब्रेकिंग न्यूजमहाराष्ट्रशहर

*सानपाडा पोलीस ठाण्याच्या नूतन इमारतीचे मुख्यमंत्री देवेंद्र फडणवीस यांच्या हस्ते भव्य उद्घाटन*


*सानपाडा पोलीस ठाण्याच्या नूतन इमारतीचे मुख्यमंत्री देवेंद्र फडणवीस यांच्या हस्ते भव्य उद्घाटन*

नवी मुंबई (२५ सप्टेंबर)- राजेंद्र बोडके – नवी मुंबईतील कायदा व सुव्यवस्थेला अधिक सक्षम करण्याच्या दिशेने एक महत्त्वपूर्ण पाऊल टाकत आज सानपाडा पोलीस ठाण्याच्या नूतन इमारतीचे उद्घाटन महाराष्ट्राचे मुख्यमंत्री मा. श्री. देवेंद्र फडणवीस यांच्या शुभहस्ते संपन्न झाले.

या सोहळ्यास वनमंत्री मा. श्री. गणेश नाईक, सार्वजनिक बांधकाम मंत्री श्री. शिवेंद्रसिंह राजे भोसले, आमदार सौ. मंदाताई म्हात्रे, श्री. प्रशांत ठाकूर, विधान परिषद सदस्य श्री. विक्रांत पाटील, श्री. निरंजन डावखरे, अण्णासाहेब पाटील आर्थिक मागास विकास महामंडळाचे अध्यक्ष श्री. नरेंद्र अण्णासाहेब पाटील, परशुराम आर्थिक विकास महामंडळाचे अध्यक्ष श्री. आशिष दामले यांसह अनेक मान्यवर उपस्थित होते. तसेच पोलीस महासंचालक सौ. अर्चना त्यागी, नवी मुंबई पोलीस आयुक्त श्री. मिलिंद भारंबे आणि वरिष्ठ पोलीस अधिकारीही मोठ्या संख्येने उपस्थित होते.

नवी मुंबई मधील तालुका पोलीस ठाण्यांना आय.एस.ओ. मानांकन प्रमाणपत्र मुख्यमंत्री फडणवीस यांच्या हस्ते प्रदान करण्यात आले.

उद्घाटन सोहळ्यात नवी मुंबई पोलीस आयुक्तालयातील *सीबीडी पोलीस स्टेशनचे सीनियर अरुण पवार,

वाशी पोलीस स्टेशनचे सीनियर शशिकांत चांदेकर 

पनवेल पोलीस स्टेशनचे सीनियर गजानन घाडगे

. यावेळी मुख्यमंत्री यांनी *CCTNS संगणक प्रणाली*द्वारे सानपाडा पोलीस ठाण्याच्या नूतन इमारतीमधील दैनंदिन कामकाजाचे शुभारंभ केले आणि पोलीस अधिकारी-अंमलदार यांच्यासाठी शुभेच्छा संदेशही नोंदविला.

याचबरोबर *ई-संवाद ऑनलाईन सेवा*, *सायबर कक्ष* आणि *आर्थिक गुन्हे (Cy-Fi) तपास कक्षाचे* औपचारिक उद्घाटनही या वेळी झाले. नवी मुंबई परिसरातील प्रतिष्ठित नागरिकांनीही या भव्य कार्यक्रमाला उत्स्फूर्त उपस्थिती दर्शविली.

मुख्यमंत्री देवेंद्र फडणवीस यांनी आपल्या मनोगतात पोलीस दलाचे मनापासून अभिनंदन करताना म्हटले की, *“या नूतन वास्तुमुळे नागरिकांना जलद व गुणवत्तापूर्ण सेवा मिळेल. नवी मुंबई पोलीस दलाचे कार्य नागरिकांच्या सेवेप्रती अविरत सुरू राहो आणि समाज सदैव सुरक्षित राहो, हीच अपेक्षा आहे.”*

या नूतन पोलीस ठाण्याच्या वास्तूमुळे नवी मुंबईत आधुनिक तंत्रज्ञानासह अधिक कार्यक्षम आणि लोकाभिमुख पोलिसिंगचा नवा अध्याय सुरू झाल्याचे उपस्थित मान्यवरांनी नमूद केले.

Related posts

जुन्नर येथे अनोख्या पद्धतीने सुपर मार्केटचे उदघाटन*

jantechasavdhanmaharashtra

दुरुस्ती कामामुळे मुंब्रा बायपास रस्त्यावरून १ एप्रिलपासून वाहनांना बंदी; वाहतूक मार्गात बदल

jantechasavdhanmaharashtra

सानपाडा पोलीस स्टेशन येथे नियुक्ती होताच वरिष्ठ पोलीस निरीक्षक संजय नाळे यांचा गुन्हेगारांना सतर्कतेचा इशारा

jantechasavdhanmaharashtra

Leave a Comment